Kahit papaano ay maayos naman sila Dom at Chris. Nagkakasundo sa pagpapalaki sa kanilang anak na si Dianne Clarity. Minsan lamang ay magkasalungat sila sa kung papaano papalakihin ang kanilang anak.
"Ay! Bakit kasi ganiyan? Dapat may ribbon," giit ni Dom.
"Alam na nilang babae ang anak mo. Pinapalaki mong maarte ang anak natin?!" sikmat ni Chris sa asawa.
"Koreksyon, gusto ko lang siyang i-embrace ang pagiging babae niya," giit pa rin ni Dom. Kahit halos magkasalubong na ang kilay ng kaniyang asawa.
"Pinaparinggan mo ba ako?" gagad na sabad ni Chris sa sinabing iyon ng asawa.
"Ay!" tili ni Dom. "Bakit, sapol ka ba sa sinabi ko?" dagdag pa nito nang agad na hinila ni Chris ang harapang damit nito. "Ahhhh!" tigagal pang tili nito.
"Bakit kaya hindi mo rin i-embrace ang sarili mo para
