Dinilat ni Chris ang kaniyang isang mata at sinunod ang isa nang maulinigan ang mga tinig sa labas ng kaniyang silid. Agad na sinulyapan ang kaniyang orasan at nakitang alas otso iyon ng umaga.
Muling nauligan ang mga tinig dahilan para napatayo siya. "Tiyang, ano na naman ang ginagawa niyo rito?" maang na turan saka lulugo-lugong lumabas.
Nabigla ang lahat at isahang lingon sa kaniyang kinaroroonan. Mukhang sila pa ang nagulat kaysa sa kaniya. "Ano, na ginagawa niyo rito?" gilalas sa tiyahin at tiyuhin.
Maya-maya ay tumawa ang mga ito. "Pamangkin, pwede bang maghilamos ka muna dahil mukhang naglaway ka pa at ang buhok mo. Para kang kinuryente at sabog-sabog," awat ng kaniyang Tita Bonie.
Pupungas-pungas siyang tumingin sa mga ito. "Ano nga kasing ginagawa niyo rito?" maang na tanong p
