Halos isang linggo na siyang nagkukulong sa kanilang bahay na pinagtataka ng kaniyang Tita Bonie at Tiyang Lourdes niya. Pinatay din ang cellphone upang hindi siya makontak ng kaibigang si Maine hanggang sa maya-maya ay bulabugin siya ng katok ng Tita Bonie niya.
"Tita naman eh, magigiba ang bahay natin sa ginagawa mo eh," gilalas dito.
"Naku, pamangkin. May mga bisita ka," maarteng wika ng Tita Bonie niya. "Labas ka na diyan, aba! Kahit anong gawin mo ay hindi ka na puputi. Labas na at hinihintay ka nila," talak nito. Wala siyang nagawa kundi ang tumayo at labasin ang sinasabing bisita.
Lulugo-lugong lumabas ngunit agad na napamulagat ng mata ng makita kung sino ang mga bisita niya. Sila Sherry at Maine na kuntudo porma pa na tila rarampa sa catwalk eh, sa eskinita lang naman sila dad
