CHAPTER 64
"Hindi marahil alam ng iyong Lolo Victor ang tungkol sa bagay na iyon nang nabubuhay pa siya, Ysabella. Ngunit ako, I knew all about it," matatag na wika ni Menard sa kanya.
Ilang minuto na wari ay ipinako sa kinauupuan niya si Ysabella. Ni hindi siya agad nakasagot sa mga sinabi nito. Hindi niya sukat akalain na maririnig niya ang lahat ng iyon--- na nagkaroon pala ng anak ang kanyang Tita Claire noon. All her life ay nakatatak na sa kanyang isipan na hindi ito nagkaroon ng relasyon sa ibang lalaki noong kabataan pa nito. Idagdag pa ang katotohanan na nalaman niya noon sa may kamalig, that Claire was so in love with her father, dahilan para hindi na nabaling pa sa iba ang pagtingin nito. Ito pa nga mismo ang nag-amin sa kanya ng tungkol sa bagay na iyon.
At ngayon, ang rebel
