PAGKATAPOS maligo ay nagsuot lang ng maigsing maong pants si Rebecca at puting sleeveless na maluwag ang kuwelyo. Manipis ang damit kaya bakat ang itim niyang bra. Lumabas siya ng kuwarto at nagtungo sa kusina para gawin ang iniutos ng papa niya. Napasubo tuloy siya sa pagluluto. Iyon ang ayaw niyang gawin.
Pagdating niya sa kusina ay naroon na si Symon ay nagbabalat ng patatas. Itim na boxer lang ang suot nito. Hubad baro ito at tanging itim na apron ang takip sa katawan. Sinalubong siya nito ng matalim na titig. Nilagpasan niya ito. Lumapit siya sa refrigerator at naghanap ng mailuluto. Hindi siya puwedeng makialam sa lulutuin nito.
“Ano’ng lulutuin mo?” tanong nito sa matigas na tinig.
“Gulay,” mabilis niyang sagot.
“Anong gulay?”
“Kahit ano.”
“Walang gano’ng recipe. Mag-prito ka
