"Tama na, hayaan mo na sila. Mahirap man kami, hindi ka namin pababayaan ng nanay ko," si Cherry na pandalas na humahaplos sa kanyang likod.
Nasa treehouse sila noon dahil doon siya dinala ng mga paa niya kanina nang umalis sila sa mansyon ng mga Del Carmen
"Paano na ako ngayon? Paano na ang anak namin? Tsaka bakit hindi niya ako hinanap? Mahal na mahal niya daw ako pero bakit ganito? Bakit niya ako iniwan?" ang maraming katanungang iyon ang talagang nagpapabigat sa damdamin ni Isla.
"Hindi ko rin alam, pero sigurado ako, darating ang panahon na magkikita pa kayo. Lalo na't may baby na kayo, siya na ang magbibigkis sa inyong dalawa, maniwala ka lang."
Isang mapait na tawa ang pinakawalan ni Isla. "Hindi ko sigurado iyan, pero wala din akong planong sabihin sa kaniya ang lahat ng ito.
