TULAD ng dati, iniwan niya si Matthew kay Mama Selya. Nahirapan siyang maghanap ng damit na isusuot kaya napagpasyahan niyang manatili na lang sa kanyang smart casual attire. Kung alam niya lang, bumili sana siya kagabi ang damit na alam niyang kayang bilhin ng kanyang pera.
"Hi sir," bati niya kay Vincent. Pinapasok siya ni Mica, ang sekretarya ni Randy na papalitan niya.
Tinitigan siya ng binata mula ulo hanggang paa at saka ngumiti at itinuro ang upuan sa harap ng mesa nito.“You look beautiful,” sabi ni Vincent kaya mabilis na namula ang magkabilang pisngi niya.
“Thank you, sir,” kinakabahan niyang sagot at saka tipid na ngumiti sa binata.
“Masyadong pormal, tawagin mo na lang akong Vincent? O ‘yung tinatawag mo sa akin noon? Vince, I prefer that,” napaangat ng ulo si Isla saka sina
