ISANG magandang ngiti ang pumunit sa mga labi ni Isla nang magising siya kinabukasan katabi si Vincent na mahimbing pa rin na natutulog. Tahimik niyang pinagmasdan ang gwapong mukha ng binata. Pagkatapos noon ay naramdaman niya ang pag-iinit ng sulok ng kanyang mga mata dahil sa tila patalim na gumuhit sa kanyang dibdib. Naalala kasi niya kung paano natapos ang kwento nila nito at kung gaano kasakit at kalungkot ang kanyang pinagdaanan.
Maingat na bumangon ang dalaga ilang sandali pagkatapos niyon. Tiniyak niyang hindi magigising si Vincent sa pagtulog nito. Alam kasi niya na kung pagod siya ay sigurado mas pagod ang lalaki. Mabilis na nag-init at namula ang kanyang mukha nang maalala kung sa papaanong paraan siya inangkin ng binata kaninang madaling araw.
Nang makabangon ay agad niyang
