OVER lunch ay nanatiling manipulado ni Randy ang usapan. Iyon ang unang pagkakataon na sumamasi Isla na kumain sa binata at masasabi niyang mabait naman ito. Medyo may pagka-arogante nga lang ito at iyon ang hindi niya nagustuhan. Iyon rin ang dahilan kung bakit naging tipid ang pagsagot niya sa mga tanong sa kanya ng lalaki.
"I hope this is not the last time," ani Randy nang itigil nito sa harapan ng Festive Building ang sasakyan nito.
Ngumiti muna si Isla sa sinabing iyon ni Randy bago nagsalita. "Salamat po sa lunch, Sir Randy,” ang sa halip na itinugon niya.
“Randy, you can call me that. Anyway, I wonder if I could visit Matthew. Sana okay lang?”
Noon nakita ni Isla ang gentleman side ng dati niyang boss kaya siya matamis na napangiti. At dahil wala naman siyang makitang masama sa
