Jordan's POV
Nakatingin ako kay Linda, sa kapatid niya, at sa Nanay niya habang kumakain kami ng hapunan. Pag-uwi namin ni Linda, agad siyang tinanong ng Nanay niya kung ano ang ginawa namin sa mall. Kita ko ang saya ni Linda habang ikinukuwento niya ang nangyari kanina. Masaya namang nakikinig ang Nanay at kapatid niya. Natutuwa ako dahil kahit sa simpleng bagay, masaya na silang lahat.
Biglang tumingin sa akin si Linda.
“Jordan, bakit ang tahimik mo?” tanong niya.
Ngumiti ako. “Nakikinig lang ako sa usapan n’yo.”
“Pasensya ka na kung maingay kami. Si Nanay kasi tanong nang tanong sa akin,” sagot ni Linda.
“Huwag po kayong mag-alala. Kapag kaya n’yo nang bumiyahe ng malayo, tatlo na kayong isasama ko,” sabi ko.
Ngumiti ang Nanay ni Linda. “Talaga? Matagal na akong hindi nakakapunta
