“Sigurado ka ba na gusto mong imbitahan ang tatay mo sa kasal mo?” muling tanong sa akin ni Nanay, ang boses niyang puno ng pag-aalala at sakit.
Nakatira na sila sa bagong bahay na pinagawa ni Jordan. Napa-blessing na namin ito, ngunit hindi siya sumipot. Malapit na ang kasal ko, ngunit hindi ko pa rin nakakausap si Jordan. Ayon sa mga magulang ni Mathew, nakabalik na siya ng Pilipinas, pero hindi pa rin siya nagpapakita sa akin.
Kumagat muna ako sa hawak kong pizza, ang bawat kagat ay parang hilaw na emosyon na hindi ko kayang ipaliwanag. Huminga ako ng malalim bago nagsalita. “Oo, gusto ko siyang imbitahan sa kasal ko.”
Sumimangot si Nanay. Halatang hindi niya gusto ang plano ko. Naiintindihan ko naman siya, dahil iniwan niya kami noong mga panahong kailangan namin siya. Nagalit ako s
