“ANAK, kailan ka uuwi sa atin?” tanong ni Nanay nang makipag-video call ako sa kanila.
Nandito pa rin kami sa probinsya ng Bicol ni Joseph. Dalawang araw na lang ay babalik na kami sa Manila para ituloy ang mga naiwan namin trabaho.
“Baka next month ako uuwi.”
Malungkot na bumuntong-hininga si Nanay. “Parang ayaw mo na kaming makita?”
Umiling ako. “Nay, alam n’yo naman na ginagawa ko ang lahat ng ito para sa inyo. Gusto kong makatapos ng pag-aaral si Rease.”
“Ate, ‘wag kang mag-alala, kapag naka-graduate na ako sa high school. Sisikapin kong maging scholar para hindi ka masyadong mahirapan sa pag-aaral.”
Ngumiti ako. “Okay lang kahit hindi ka maging scholar ‘wag kang magpaka-stress. Ang importante makapagtapos ka.”
“Pangako, Ate, magtatapos ako ng pag-aaral.”
“Anak, ‘wag mong pabay
