Conglomerates: The Impostor

Kabanata 25

And to her worst nightmare, her car reaches a sharp curve at ten meters away from her.

Pilit pa rin niyang kinakabig ang brake at tsaka pinapaikot ang manibela sa gilid upang iwasan sana ang matayog na bangin na kahuhulugan niya kung sakaling hindi siya kumurba ng maayos.

Ngunit huli na ang lahat!

“Ahhhhh! Tulonnnnnnnggggg!” sigaw niya sa abot ng kanyang makakaya nang mapagtantong wala na siyang magagawa pa.

She tried her best to fix the problem, but she couldn’t. The problem was obviously not on her driving skills alone, but mostly on the machineries of the car itself. May kung anong sira ito kung kaya naman hindi niya makontrol ang preno o di kaya’y makabig man lang pagilid ang manibela.

Ramdam niya ang sobrang lakas na kabog ng kanyang dibdib.

‘Mamatay… mamatay na ba ako? Nga...ngayon na ba talaga ang oras ko? Diyos ko hindi man lamang ako nakapagpaalam ng maayos sa aking pamilya…’

Sa kabila ng mga hindi pantay na pagtrato sa kanya ng kanyang kapatid, ama at kinikilalang ina ay sila lamang ang natatanging mga taong malapit sa kanyang puso sapagkat wala siyang ibang kakilala bukod sa kanila. Tila ba buong buhay niya ay sa mansiyon lamang karaniwnag umikot ang buhay niya.

Naging mabilis ang mga pangyayari at ang tanging bulwak ng napakalakas na paghampas ng tubig ang kanyang huling narinig bago tuluyang magdilim ang kanyang paningin at mawalan siya ng malay.