Chapter Sixty-seven
Dalawang nurse ang kinuha ni Mackenzie para subaybayan ang healing ni Avery. Sa unang gabi namin sa bahay ni Mackenzie ay sinubukan ko namang maging civil dito. Hindi ako hirap sa pag-asikaso kay Avery dahil ang bata'y marunong nang sumunod at makinig. Masipag din naman ang dalawang nurse. Hindi na kailangan pang sabihin sa kanila ang dapat nilang gawin. Alam na nila. Sa sahig inilapag ang extra mattress dahil natatakot akong tumabi kay Avery sa kama. Bukod kasi sa pambata ang kama niya ay baka masagi ko rin siya. Unang gabi namin dito sa bahay ng lalaki. Komportable ang lahat.
May aircon ang silid. Payapa ang paligid. Tulog na si Avery. Parang nakakaantok din talaga ang mga iniinom nitong gamot. Kaya pagkatapos uminom at ilang saglit lang ay nakatulog na ito.
Matu
