Nagkulong si Meghan sa kanilang silid matapos na umalis ang lalaki. Sa unang pagkakataon ay hinayaan lang siya ni Nick na umiyak. Ni hindi man lang siya niyakap ng lalaki at basta na lang ito umalis.
Habang nakahiga siya sa kama ay kung anu-anong bagay na lang ang pumasok sa kanyang isipan. Nakikita niya sa kanyang imahinasyon sina Nick at Margaret na naghahalikan o di kaya ay nakapatong ang asawa niya sa babae. Nanginginig ang buo niyang katawan kahit na imahinasyon lang niya ang lahat.
Bumangon siya at nagbihis. Kailangan niyang makita si Nick o baka mababaliw siya. Kung kailangan niyang magmakaawa sa lalaki ay handa niyang gagawin ‘yon huwag lang itong mawala sa kanya. Nagmamadali siyang lumabas kaya nagkagulatan pa silang dalawa ni Nick sa may pintuan dahil nasa labas din pala ang l
