HINDI MAALIS ang ngiti sa labi ni Joanna habang pinagmamasdan si Nash. Nasa tabing dagat sila ng hapong iyon. Naisipan nilang mag-ihaw sa may tabi ng dagat.
After two years, ngayon lang siya ngumiti ng ganito. Bukod sa anak niya ang dahilan. Ngayon, ngumingiti siya ng ganoon dahil si Nash ang dahilan. Ang lalaking naging sanhi rin ng kalungkutan niya sa nakalipas na dalawang taon. At ang sarap sa pakiramdam. Parang nawala ang pinakamabigat na nakadagan sa kanyang dibdib.
“Nash,” agaw niya sa pansin nito.
Mula sa binabali-baliktad na pork barbecue on stick ay sinulyapan siya nito. “Gutom ka na?”
Nakangiting umiling siya. Tumayo siya mula sa pagkakaupo sa silya na yari sa ratan at tumabi rito. Yumakap pa siya mula sa tagiliran nito. Nangingiting ipinulupot naman ni Nash ang isang kamay s
