MULA SA terrace kung saan tanaw ang dalampasigan ay humigpit ang pagkakahawak ni Nash sa railing ng terrace. Huminga siya nang malalim bago pumihit papasok sa loob ng silid niya nang makitang sumunod na si Joanna kay Mang Arturo, ang care taker sa isla. Sa pangalawang pagkakataon ay hindi niya kayang makita na aalis na naman si Joanna. Mayamaya pa ay maririnig na ang ugong ng papalayong bangkang de motor.
Naglakad siya papunta sa banyo. Tumapat agad siya sa shower at kahit na may saplot pa sa katawan ay hinayaan niya iyong mabasa habang nakatapat sa dutsa.
Pagak siyang napatawa sa sariling katangahan. Pinakawalan na naman niya ang babaeng importante sa kanya.
Matapos maligo ay daig pa niya ang animo lambot na lambot ang pakiramdam. Mariin siyang pumikit nang mahiga siya sa kama. Kahit b
