MATAGAL bago nahimasmasan si Serron. Hindi pa rin siya makapaniwala sa natuklasan. Ang taong matagal na niyang hinahanap ay matagal na palang patay! Noon niya natanto bakit matagal niyang hindi nasasagap ang aura ni Joli. Iniisip niya na baka nasa ibang bansa pero imposible kasi active naman ang career nito bilang artista. Meaning, tama ang source ni Jegs, impostor lang ang Joli na nakikita sa mga TV shows. Hindi kasi siya mahilig sa showbiz issue at lalong hindi siya naonood ng telebisyon.
Nine years ago? Nalilitong tanong ng isip niya.
Ibig sabihin ay hindi si Joli ang nakita niya sa bahay nito eight years ago? Nawiwindang siya sa natotohanan. Nagpanggap lang si Jove bilang si Joli para ano? Para imbestigahan siya para sa paratang umano nito na may kinalaman siya sa pagkamatay ni Joli?
