KINAPA ni Darrina ang orasan sa night table at sa maliliit na siwang ng inaantok na mata at natanto niyang pasado alas tres pa lang ng madaling-araw. Bumagsak sa kaniyang tagilirad ang kamay na may hawak ng alarm clock na siyang inakala niyang tumutunog kaya siya naalimpungatan. Itutuloy na sana ang pagtulog kundi lang nag-ring ang kaniyang cellphone.
Cellphone? Alas tres ng madaling-araw? Sinong tatawag sa kaniya sa ganong oras?
Patamad na ibinalik niya ang alarm clock sa pwesto nito saka hinagilap ang cellphone na naroon din sa side table. Lumaki ang dilat niya nang makita ang pangalan ni Cayel sa screen. Umahon agad ang pag-aalala sa dibdib niya gayong hindi pa niya alam kung bakit ito tumatawag.
“C-Cayel?”
Napahawak siya sa leeg nang marinig ang namamaos na boses. She got up from h
