HINDI nangyari ang sinabi ni Pony. At siya, halos gising sa buong magdamag. Hati sa dalawa ang isipan niya. Minabuting hindi siya sinundan ni Cayel at minasama na hindi siya nito sinundo.
Napilitan siyang buhayin ang cellphone sa pag-aakalang may mga mensahe ito. May mga text messages nga na pumasok, pero walang nanggaling sa asawa. Pahampas niyang ibinaba ang cellphone sa kaniyang gilid at hinagilap ang unan. Itinabon niya iyon sa mukha at paimpit na umungol.
Para siyang tanga. Tinakbuhan niya si Cayel, pero gusto niyang makita ito. O gusto lang niyang makita na mag-effort ito nang husto para patawarin niya? Gano'n ba?
Inalis niya ang unan sa mukha at umiling sa sarili. Mabuting ganun muna sila. Panahon ang kailangan niya. Kung nagtungo doon si Cayel ay siguradong itataboy lang niya
