NASA kalagitnaan na ng kaniyang paglalakbay si Hedvig nang mapatigil siya. Suminghot-singhot siya nang maamoy niyang hindi siya nag-iisa sa lugar na iyon.
Hindi pamilyar sa kaniya ang enerhiyang iyon. Ngunit may naramdaman siyang similaridad. Ramdam din niya ang panganib na dala niyon. Milya-milya pa lang ang layo ng mga iyon sa kaniya. Pero dahil mas tumalas pa ang pakiramdam niya ngayong ganap na siyang Hybrid, kahit ang pinakamahinang kaluskos na dulot ng mga iyon ay naririnig at nararamdaman na niya.
At alam din ni Hedvig na mula sa gitna ng mga snowy trees ay may matatalim na mga mata ang nakamasid sa kaniya.
And he was right.
Dahil mayamaya lang ay isa-isang lumabas mula roon ang limang kalalakihan. At sa hitsura pa lang ay batid na ni Hedvig na hindi normal na tao ang mga it
