METTSA
"ANO pa ang saysay ng buhay ko ngayong wala na sa'kin si Hedvig? Mabuti pang patayin mo na lang ako, Isa. Dahil kapag hindi mo ginawa, aalis ako rito at hinding-hindi mo na ako makikita. Habambuhay kong isusumpa ang pagiging Werewolf. Habambuhay kong isusumpa ang pagiging anak mo!"
Humigpit ang pagkakahawak ni Adolf sa wine glass nang maalala ang huling sinabi ng kaniyang anak na si Gertrud, bago nito ginawa ang pangakong iyon. Mahigit tatlong siglo na rin pala na hindi niya nakikita ang nag-iisang anak. Libong beses na niyang sinabi sa buong pack na hindi niya pinagsisisihan ang ginawa sa sariling anak at apo. At libong beses na rin niyang niloko ang sarili.
Dahil ang totoo, tatlong siglo nang nabubuhay sa lungkot at pangungulila si Adolf. Matapang at matatag siya sa harap ng bu
