LONDON, ENGLAND
HINDI mapigilan ng kaluluwa ni Noah na mamangha nang makarating sila sa tapat ng isang malapalasyong bahay na sa telebisyon lang niya nakikita. Sa labas at loob ng gate ay maraming nakakalat na mga guwardiya. Patunay kung gaano kayaman ang nakatira doon at kailangang protektahan.
At hindi makapaniwala si Noah na pag-aari iyon ng kaniyang totoong ina.
Hanggang ngayon ay hindi pa rin tuluyang sumi-sink in sa isip niya ang mga natuklasan. Kung paanong nangyari na may iba pa siyang katauhan, na mabubuhay pa siyang muli, na pagkatapos nito ay hindi na siya magiging si Noah, na posibleng sa isang iglap lang ay magbabago ang buhay niya.
Parang panaginip lang ang lahat. Ngunit handa siyang sumugal para sa pamilya at kay Michelle.
"Gusto ko lang ipaalala sa'yo na sa oras na ma
