Present...
"I DON'T MIND not knowing what I'm heading for... You can take me to the skies..."
Napakisap si Michelle nang marinig ang sariling boses ni Noah na sinasabayan ang kanta na nakasalang sa cellphone at naka-connect sa bluetooth speaker.
Kapagkuwan ay natawa ang dalaga. Hindi biniyayaan ng magandang boses ang kaniyang nobyo. Pero kinakantahan pa rin siya nito sa bawat espesyal na okasyong pinagsasaluhan nila.
Kung sabagay, sa nakalipas na tatlong taon na relasyon nila ay lagi namang nag-e-effort si Noah para pasayahin siya. Para iparamdam sa kaniya kung gaano siya nito kamahal. He was always so sweet and understanding. Kahit sa mga taong lumipas ay lumala ang pagiging possessive ni Michelle, lagi pa rin siya nitong iniintindi. Wala siyang maalala na pinag-awayan nila ang pagi
