NAKARAMDAM na ng panlalagkit sa katawan si Angela kaya naisipan niyang maligo sa hot spring. Nawawala naman ang matinding lamig na dulot ng nagyeyelong paligid kapag nakababad siya roon. Isa pa, na-re-relax ang katawan niya.
Alam niyang nasa labas lang ng kuwarto si Hedvig. Ramdam niya ang presensiya nito. Pero hindi siya magpapapigil dito kung sakali man.
Pagkalabas ni Angela ng kuwarto ay kaagad niyang nakita ang binata na nakahiga sa sofa. Nakatihaya. Pilit pinagkakasya ang malaking katawan sa makipot na upuan. Parang gusto niyang maawa kay Hedvig. Nakalaylay na kasi ang mga paa nito at nakakrus na lang sa dibdib ang mga braso para hindi mahulog.
Simula kasi nang suyuin siya ni Hedvig ay hindi na ito nakipag-agawan sa kuwarto. Hindi na rin ito nagpumilit na magsama sila roon. Kumba
