"KAPAG natalo ba sa laban ay magkukulong na agad?"
Huminto sa paglaro-laro sa hawak na champagne glass ang dalawang daliri ni Hedvig nang pumasok sa kuwarto niya sa Selene. Dalawang araw na rin simula nang matalo sila sa laban at nabigong mabawi kay Cassius ang kaluluwa ni Angela.
Hanggang ngayon ay nagtatampo pa rin sa kaniya ang mga Werewolves, lalo na si Adolf. Dahil sa pagkamatay ng mga kalahi nila. Mas dinamdam nito ang pagkamatay ni Vilho. Nahihiya pa si Hedvig na humarap sa mga ito.
"Wala akong kuwentang pinuno, taitar. Ipinahamak ko ang mga kasamahan ko." Nanatiling nakatanaw sa labas ng bintana si Hedvig. Kahit sa anak ay nahihiya rin siya. "Nagpadala ako sa emotions ko. Naging selfish na naman ako. Kung nakinig lang sana ako kay isoisa. Hindi sana mababawasan ang mga kaalyan
