"Kumusta ka na anak?' Pangungumusta ng Mommy niya nang pumunta sila ni Elijah sa bahay ng kanyang mga magulang para kumustahin ang mga ito at para na rin ipaalam na nakabalik na siya ng San Miguel. Alam ng mga magulang niya na nakapagtapos siya ng pag-aaral sa New York ng kursong Business Management, dahil iyon sa tulong sa kanya ni Elijah.
"Ok lang po ako Mommy," nakangiting tugon niya sa ina.
"Masaya ako anak at hindi mo pinabayaan ang pag-aaral mo, kahit maaga kang nag asawa," saad ng ina.
"Ang makapagtapos po ng pag-aaral ang talagang main goal ko, pati po si Elijah iyon po ang gusto," she said.
"Tama naman kasi iyon anak. Look at you nakapagtapos ka na ng pag-aaral mo sa New York pa," saad ng ina na may malapad na ngiti sa mukha nito.
Pansin niyang mas maaliwalas at tila bumata a
