My Guardian Devil
AiTenshi
Part 22: Parasite
Nakabaon pa ang talas ng kutsilyo sa aking likod at patuloy pa rin ito sa pag dugo. Hindi pa rin ako makapaniwala na sa maling desisyon ko ay napahamak si Yul. Sana hindi nalang ako umalis, sana hindi ko na sya iniwan. Nagagalit ako sa aking sarili at hindi ko maiwasan na sisihin ang mga maling desisyon ko.
Si Yul, mukha at katawan niya ang nakatayo sa aking harapan ngunit hindi ito ang kaluluwa nya dahil inaangkin na ito ng iba. Wala itong reaksyon bagamat nababalot ng dugo ang kanyang buong katawan. Wala na rin natitirang buhay dito sa loob ng bahay dahil pati ang mga katulong nya ay pinatay na rin nya ng hindi nya nalalaman.
Muli nanamang kumilos si Yul at binuhat nito ang refrigerator na parang isang pirasong bulak at ito ay binalibag n
