Shantal Mia
Kinabukasan ay nagdesisyon si Andrei na isama pagbalik ng Manila sila Papa at ang mga kapatid ko. Doon na lamang daw namin ipagamot si Papa, sa isang pribadong hospital at para na rin makaharap ang parents niya, sila tita Gemma at tito Chen.
Sumang-ayon din ako kaagad dahil gusto ko ring makasama sila Papa at ang mga kapatid ko ng matagal. Nagkaroon din ng dahilan upang marating ko na ang bahay ni Andrei na sinasabi niya dahil doon na kami umuwi kasama sila Papa.
"Ang laki ng bahay!" bulalas ng bunso kong kapatid na si Sarah, bakas ang pagkagulat at paghanga sa hitsura niya habang umiikot ang paningin niya sa buong paligid.
Kahit naman ako ay napapahanga sa laki rin ng bahay ni Andrei na halos walang ipinagkaiba sa laki ng bahay nila tita Gemma. May pagka-barako nga lang at
