~(SIV SITHER VILLAVERDE POV) (SID)
"Gising ka na pala, hijo?" sabi noong matandang babae nang makita ako.
Mukhang kararating lang nila galing kung saan. Agad ko naman kinuha ang mga kahoy na dala niya mula sa kanya at ngumiti nang malapad.
"Magandang araw po."
Ngumiti rin siya sa akin. "Magandang araw din, hijo. Tawagin mo ana lang akong Mang at tawagin mo na lang na Mang Pedro ang asawa ko."
Tumingin ako sa matandang lalaking nasa likuran niya na nakangiti rin sa akin. Lalong lumapad ang ngiti sa mga labi ko. Sinabi sa akin ni Ayen na may kumuha sa aming mag-asawa, siguradong sila na iyon.
"Sid naman po ang pangalan ko, Mang."
"Kumusta na ang pakiramdam mo? Hindi ba sumasakit ang ulo mo?"
"Sumasakit pa rin po nang kaunti, Mang. Pero sa tingin ko po gagaling na ako kasi magaling po
