~(SIV SITHER VILLAVERDE) (SID)
Hindi nawala ang ngiti sa mga labi ko habang nakatingin sa kanya. Mas maliit siya sa akin nang kaunti kaya naman nakikita ko kung gaano katangos ang ilong nito. Pinagmasdan ko rin ang mukha niya habang may pagkakataon akong gawin iyon. Mahahaba ang mga pilik-mata niya, kahit wala siyang ayos mapupula pa rin ang mga labi niya.
Gusto ko ang pwesto naming dalawa dahil gusto ko ang pakiramdam na malapit sa kanya. Kung ang iba ay natatakot sa kanya o gusto siyang layuan, hindi ko alam kung bakit ako hindi. Mas gustong lalong painitin ang ulo niya at gustong gusto ko kapag nakikita kong naasar siya.
Ganoon pa man, kailangan naming makaalis agad doon dahil hindi pa rin tumitigil ang mga lalaki sa loob na hanapin si Ayen. Siguradong mahahanap nila kami kapag hindi
