Pagkatapos makatulog si Dorren ng ilang oras ay nagising na rin siya sa wakas. Pagmulat niya ng kanyang mata ay nagtaka pa siya dahil nakahiga na siya sa sofa bed sa loob mismo ng office ng kanyang boss. Dali-dali siyang bumangon at saka inayos ang kanyang sarili.
Napansin niya agad na wala sa table nito si Rem dahilan para mapabuntong hininga siya. Talagang lagot na siya ngayon. Kung bakit ba kasi nagkasugat pa siya. Ilang sandali pa ay mabilis siyang napatuwid ng tayo nang biglang bumukas ang pintuan.
"Mabuti naman at gising ka na, Dorren." Aniya ng isang tinig. Nakita niyang pumasok si Amelia.
"S-sorry po, talaga, ma'am." wika niya habang nakayuko.
"Ano ka ba? Ayos lang iyon." Sagot Naman ng Ginang.
"N-nasa'n po ba si sir? Teka, paano po ba ako napunta rito?" Magkakasunod ni
