Kay bilis lumipas ng mga araw at halos mag-iisang buwan na ang lumipas. Alam ni Dorren na hindi pa rin magkakasya ang pera niya kaya naisipan niyang magpart-time muli ng trabaho. Hindi naman kasi siya nakatapos ng college dahil sa mga pangyayari noon kaya kailangan niyang kumayod ng todo.
Palaging naglalakbay ang isipan niya sa kung saan nang biglang mag-ring ang kanyang telepono.
"Hello, this is Heiler Construction Company, how may I help you?" magalang na saad niya.
"Hello. Rem, is he around?" agarang tanong ng nasa kabilang linya.
"Ahm, Mr. Heiler is not yet around ma'am. May pinuntahan lang siya sandali sa labas."
"Okay."
"Pwde po bang malaman kung sino ang tumawag para masabihan ko po siya pagbalik niya."
"Pakisabi na tumawag si Venice."
"Okay, ma'am. Thank you po." sagot ni
