"Po? Ano po ang sinabi mo?" hindi makapaniwalang tanong ni Churai.
"Iyan ang totoo, Princess. Simula't sapol ay alam ko ang pagkatao ninyong dalawa ni Khim at alam ko rin kung bakit kayo nandito. Kung tutuusiin ay malaya naman kayong umalis sa kahariang ito dahil puro pasakit ang idinulot ng karamihan. Ngunit alam kong mayroon kayong misyon kaya kayo nagtitiis," tugon ng Mahal na Hari.
Kaya naman ay nagsalita na rin si Khim Soong. Hindi siya nagkamali ng hinala. Noon pa man ay naisip na niya iyon ngunit isinantabi niya dahil na rin sa maraming bagay. Ngunit sa ipinagtapat nito ay nauunawaan na niya kung bakit ito magiliw sa kanilang mag-asawa lalong-lalo na sa anak nila. Sa sunod-sunod na nangyari ay ito rin ang tumakip sa kanila. Nauunawaan na niya ang lahat. Nagbulag-bulagan lamang ito
