NINE MONTHS LATER
"Ang cute nito! Bagay na bagay sa baby ko, oh." Excited kong inilapat sa aking malaking tiyan ang swaddle blanket na may printed na avocado.
Hindi pa lumalabas ang baby ko mula sa aking tiyan ay nai-imagine ko na kaagad kung ano ang magiging hitsura niya kapag suot niya ito.
"Miss, may stock pa ba kayo ng katulad ng sa kanya?" Napalingon ako sa aking tabi at nakita ko ang babaeng katulad ko ay malaki rin ang tiyan.
"Yes, ma'am. Sandali lang po at kukunin ko," sagot naman sa kanya ng saleslady na ang tinutukoy ay ang swaddle blanket na hawak ko.
"Nagustuhan mo rin? Ang ganda, 'di ba?" magiliw kong tanong sa kanya.
"Hmn." Bahagya lang siyang tumango sa akin. Napansin ko ang pasimple niyang pagtitig sa aking tiyan.
"Parang halos magkasinlaki lang ang tiyan natin ah. I
