"Liam!"
Napalingon si Liam na handa na sanang sumakay sa isang private plane na magdadala sa kanya patungong Basilan Island kung saan natuklasan niyang ito pala ang lugar kung saan siya lumaki.
Ilang mga dokumento at larawan niya at ng kanyang ina ang natagpuan niya sa loob ng vault na siyang pagkakakilanlan ng kanyang pagkatao. At ngayon ay handa na siyang magtungo doon.
"We've already traced the place where Creed took Nikay," saad ni Cedric sa kanya. Nakasunod sa kanyang likuran ang ilan sa mga agents kabilang na nga si Angel.
Natigilan si Liam at kaagad na sumikdo ang damdamin sa kanyang dibdib para sa babaeng hindi man niya nakikilala ang tunay na pagkatao ay nararamdaman naman niyang may malaking puwang ito sa puso niya.
"Where?" tanong niya kasabay nang paggalaw ng kanyang pan
