Pagbalik namin sa venue ay nag-aabang na pala sila Cedric at Maezie sa amin.
"We need to go home. Kailangan ng magpahinga ni Liam," wika ni Cedric.
Hindi ko maiwasang hindi mapatitig sa kanya dahil parang may kakaiba sa kaniyang mukha. Parang hindi pantay tumingin. Para bang tagilid ito ang kanyang mukha. Namumula rin ang kaniyang mga mata.
Natigilan ako at mas lalong napatitig sa kanya nang mapansin ko ang tila laway niyang bumubula sa gilid ng kanyang mga labi. Ano yon?
Natauhan lang ako nang biglang humarang si Maezie kay Cedric at nakangiting bumaling sa akin. Kaya naman hindi ko na makita pa si Cedric.
"Salamat at napabilang kami sa okasyong ito," nakangiting saad ni Maezie sa akin ngunit kabaligtaran ang sinabi ng kanyang mga mata.
Para akong nananalamin sa kanyang mga mata
