Starlet's POV
"Mga tanga!" sigaw ko sa kausap ko ngayon sa kabilang linya. Ang mga walang kwentang tao na inutusan kong saktan si Star. Hindi man lang nila nagawa ang inutos ko sa kanila. Mga buwesit!
Hindi nila nagawa ang gusto kong mangyari. Gusto ko lang naman saktan nila si Star hanggang sa tuluyan itong makunan. Hindi puwedeng magkaroon sila ng anak ni Damon. Kapag nangyari 'yon mababalewala ang lahat ng pagsisinungaling ko.
"Pasensya na ho ma'am. Ang bilis niya kasing tumakbo. Nakapasok kaagad siya sa loob ng bus. Hindi na namin naabutan. May lahing kabayo yata ang babaeng 'yon ma'am."
"Ang sabihin niyo lalampa-lampa kayo. Natakasan pa kayo ng isang buntis! Mga wala talaga kayong kwenta!"
"Pasensya na ho talaga ma'am. Pinapangako ho namin na sa susunod hindi na kami papalpak.
