Nagising akong may ngiti sa aking labi. Ang sarap ng tulog ko. Nang sulyapan ko ang wall clock dito sa aming kwarto ni Damon ay doon pa lang ako natauhan. Napabalikwas ako ng bangon. Alas dyes na pala ng umaga at magtatanghali na. Ganoon ako katagal nagising.
Wala na si Damon sa tabi ko kaya sigurado akong pumasok na ito. Hindi niya man lang ako ginising.
Sayang naman. Hindi ko tuloy nasilayan ang kaniyang mukha. Gusto ko pa naman sana masilayan siya paggising at bago siya pumasok sa office.
Hubo't hubad pa din ako nang tumayo sa kama. Hindi na ako nakapagbihis kagabi dahil sa pagod.
Tamang-tama naman sa pagtayo ko ay bigla akong nakaramdam ng kakaiba. Ito na naman yung pakiramdam na para akong masusuka. Hindi ko na nga napigilan pa. Napatakbo ako sa banyo ng wala sa oras. Doon ko
