Mabilis na tumakbo si Jarra papunta sa kwarto sa baranggay na itinuro sa kanya noong tumawag at sumalubong sa kanya kanina. Tahip-tahip ang kaba sa kanyang dibdib nang makita niya ang lalaki na nakaupo sa isang monoblock. Nakayuko ito at may isang nurse na nagpapaypay rito sa gilid.
“Oh my god, Vaughn!” sigaw niya at mabilis na dumalo sa lalaki. Agad siyang binigyan ng isang monoblock ng nurse. Umupo siya roon at inakbayan ang nobyo.Hinaplos niya ang balikat nito. “Vaughn? Vaughn, anong nangyari, huh?” malumanay na tanong niya kahit na panic na panic na siya at nanginginig na ang kanyang buong katawan sa sobrang pagkabog ng kanyang dibdib.
Hindi pa rin ito nagsasalita at nakatungo lang. Panay ang kausap niya rito pero wala itong imik. Narinig niya na rin ang mga bulong-bulungan ng mga t
