KATULAD nang napag-usapan nilang dalawa ni Jason, kinabukasan ay lumuwas narin siya pabalik ng Maynila. Medyo hindi nasiyahan si Mama Loida tungkol sa bagay na iyon pero wala siyang choice. Marami siyang kailangang balikan sa lungsod at una na roon ang kaniyang ina, pangalawa ay ang negosyo nila na siya ang talagang nagpapatakbo na simula nang maka-graduate siya.
"Thank you, pumayag ka na ihatid kita," si Jason na nakaupo sa harapan ng manibela at ngiting-ngiti habang nagmamaneho.
Umikot ang mga mata ni Jenny sa sinabing iyon ng binata. "Para naman may magagawa ako eh nagpa-backup ka sa nanay mo," aniyang sinundan pa ang sinabi ng mahinang tawa.
"Bakit, hindi ka ba masaya na kasama mo ako? Kasi kung ako ang tatanungin mo, talagang napakasaya ko," si Jason na bakas sa tono ng pananali
