"Uhmmp!" impit na napapangiwi si Faith. Wala siyang nagawa kundi ang umalis sa pagkaka-ibabaw niya sa Ate Len niya. Gumulong siya para mapalayo agad dito hawak ang kanyang tagiliran na duguan.
Buti na lang at daplis lang iyon dahil mabilis niyang nakita ang pagtratraydor sa kanya ng kapatid. Nakailag siya subalit natamaan pa rin siya.
Sabay silang tumayo ng kanyang Ate Len. Nagtama ulit ang kanilang mga nanlilisik na mga mata. At muli'y naglaban.
Todo iwas na lang siya dahil hindi na siya makalaban ng maayos. At tila naman mas naging ulol pa si Len sa pagsalakay sa kanya. Lalo't may sandata na naman itong pinanlalaban.
SA KABILANG BANDA sa wakas ay natagpuan na rin ni Jomar si Jhie.
"Ikaw ba si Jhie?! Na kaibigan ni Faith?" hingal na hingal nitong tanong sa dalagang nakagapos sa upua
