Malademonyong tawa ang tinugon ni Len sa nagngangalit na si Faith.
"Aaaaahhh!" Lalong naulol si Faith. Susugurin na niya sana ang kapatid. Handa na niya itong patayin pero hinila siya ni Rey. At anong pagtataka niya nang mapasubsob siya sa matipunong dibdib ng binata at yakapin siya ng mahigpit.
"Rey?!" takang naibigkas niya.
"Huwag kang mag-alala, Faith. Hindi kita pipigilan. Gusto ko lang sabihin na mag-iingat ka. Huwag kang magpapatalo." Lumuwag ang pagkakayakap ni Rey sa kanya at ito na rin ang naglayo sa katawan niya sa katawan nito. Hawak nito ang magkabilang balikat niya at titig na titig ito sa haggard pero maganda pa rin niyang mukha. "Ipangako mo, Faith! Hindi ka dapat matalo dahil gagawa pa tayo ng love story natin. Itutuloy pa natin ang ating love story. At dapat mo pa akong
