"Sakay dali!" Halos itulak siya ni Rey nang dumating na ang get away vehicle raw nila sa lakad nila ngayon.
At anong ngiwi niya nang makita niya ang sasakyan. "Ito talaga? Baka naman kahit naka-bisekleta 'yung mga pulis na hahabol sa 'tin eh, mahahabol pa rin tayo nito?!" tapos ay hindi niya mapigilan ang sariling komento. Kasi naman karag-karag na ang van na nakuha ngayon ni Jomar.
"At least may sasakyan tayo!" saad ni Jay-r pagkatapos nitong tumawa. Ito man kanina kasi ay napamura nang bumungad si Jomar sakay ang van na luma.
"Okay na 'to! Mura pagkakuha ko! 'Di nakakapanghinayang iwanan mamaya kung saan!" nakatawa ring sabi naman ni Jomar na kakamot-kamot ulo.
"Mura pero mahahabol naman tayo ng pulis!?" palatak at naiiling na wika ni Rey.
"'Di naman! Matibay pa rin 'to!" maikling d
