Umandar na ang yate. Nabahala ng husto ang mag-ama.
"Hindi ka makakatakas sa'kin, Graciano!" galit na galit na turan ni Don Savillano. Nasuntok-suntok nito ang salaming bintana.
Iginala ni Faith ang paningin. Isang painting ang nakita niya. Agad niya iyong tinakbo at kinalas sa pagkakabitin sa dingding.
Napatingin sa kanya si Don Savillano.
"Tabi, Dad!" ani Faith. Dala-dala niya ang painting na bumalik.
Tumabi nga ang Don.
Sa isang malakas na paghataw niya sa painting ay nabasag ang salaming bintana. Kasabay ng pagkawarak din ng painting.
Sabay na dumungaw sa bintana silang mag-ama. Nakakalayo na ang yateng sinakyan ni Graciano.
Agad sumampa siya sa bintana. "Dad, ako nang bahala!"
Tiwalang tumango si Don Savillano.
Sinukbit muna niya ang baril sa kanyang tagiliran bago nagpatihu
