"Ibig mong sabihin, tatlong taon na kayong kasal ni Mr. Lebedev?" hindi makapaniwalang tanong sa kanya ni Jia.
Lunes na niyon at kasalukuyan silang nasa pabrika. Halos mag-aalas otso pa lang ng umaga at nagsisidatingan pa lang ang mga empleyado ng VBF.
Kaharap niya nga ang kanyang kaibigan kasama sina Ariel at ilan pang malalapit niyang kasamahan sa trabaho. Ngayon niya lamang nakausap ang mga ito dahil kahapon, araw ng Linggo, ay maaga pa sila umalis ni Alejandro ng resort.
Marahan siyang tumango bilang sagot sa tanong ng dalaga. Ang mga kaharap niya ay pawang mga nakatitig sa kanya nang mataman na wari ba ay hindi makapaniwala sa mga nalaman.
"Bakit hindi mo sinabi, Bria? At bakit... bakit hindi mo dala ang apelyido ni Mr. Lebedev?" usisa naman sa kanya ni Ariel.
"N-Nagkaroon ng ras
