Hindi maipaliwanag ni Brianna ang samu't saring emosyong lumukob sa kanya nang magkamalay siya sa loob ng emergency room ng isang ospital. Nagising na lang siyang nakahiga pa sa isang stretcher habang nakatayo sa kanyang tabi si Roslyn.
Inalam ng doktor kung ano ang nangyari. Ang kaibigan niya ang nag-imporma sa mga ito na nawalan siya ng malay habang nagtatrabaho. Maging ang nararamdama niya nitong mga nakalipas na araw ay inalam din ng kanilang kausap.
She answered them truthfully. Totoo naman na ilang araw nang hindi maganda ang pakiramdam niya. She wanted to think that it was because of what happened to her these past few days, lalong-lalo pa nang malaman niya ang totoong nangyari sa kanyang ina.
Ilang araw na siyang nakababalik sa kanilang bahay ngunit ramdam niya ang labis na pagb
