Pagkalabas ko ng mansyon nila ay nakita ko si Gascon at ang isa niyang kapatid na seryosong nag-uusap sa harapan ng kotse nito. Hindi muna ako lumapit sa kanila dahil baka importante ang kanilang pinag-uusapan kaya nanatili na lang muna akong nakatayo sa ‘di kalayuan sa kanila.
Napansin ko naman na papalapit sa kinaroroonan ko ang asawa ng kapatid ni Gascon na si Avi at malapad itong ngumiti sa akin. Ngumiti rin ako sa kaniya at niyakap niya ako na ikinagulat ko naman.
“Kumusta Trinity? Nakatulog ka ba ng maayos?” ani nito sa akin na hindi pa rin inaalis ang pagkakangiti nito.
Hindi pa rin nagbago ang kaniyang itsura simula noong una ko siyang makita sa daan at muntikan na niya akong masagasaan. Mas lalo pa siyang gumanda ngayon kahit na buntis na siya.
“Okay naman ako Avi, salamat”
“
