Hindi ko alam kung ano na ang nangyari pagkatapos kong inumin ang ilang bote ng alak na nasa kuwarto ni Gascon. Masama ang loob ko dahil sa hindi namin pagkakaintindihan ay umabot kami sa ganito at hindi ko rin maintindihan ang sarili ko kung bakit minsan ay nagiging emotional ako. Siguro nga ay dahil sa malalim na ang nararamdaman ko kay Gascon kaya pati nararamdaman ko ay apektado na.
Marahan ko namang iminulat ang mga mata ko at ang unang bumungad sa’kin ay ang guwapo niyang mukha. Nakayakap siya sa’kin at mahimbing na natutulog na animo’y isang maamong tupa. Masuyo kong hinawakan ang kaniyang pisngi at ingat na ingat na baka siya ay magising. Napangiti na lang ako at para bang isa itong panaginip na ayoko nang magising pa dahil baka sa paggising ko ay iba na ang kasama niya.
Napansin
