Napahinto naman ako sa paglalakad ko ng nasa itaas na ako at hinarap ko si Erick na nakasunod lang sa aking likuran. Humalukipkip pa ito at tila hinihintay lang ang aking sasabihin.
Kilala ko si Erick lalo na ang mga tingin niyang iyon. Alam ko na may gusto siyang itanong lalo na ‘yong video kanina sa cellphone ni Austin.
“Where is she?” tanong ko sa kaniya.
“Who?”
“Austin’s sister.” Nauna naman siyang maglakad at iginiya niya ako sa isa sa mga guest room dito.
Huminto kami sa tapat noon at sumandal pa siya sa gilid ng pinto. Saglit ko lang siyang tinitigan at pagkuwa’y hinawakan na ang seradura ng pinto at bubuksan na sana ito nang magsalita naman siya na ikinatigil ko.
“Do you believe him?”
“Yes,” tipid kong sagot.
“Mas naniniwala ka sa kaniya kaysa sa kung ano ang nararamdaman
